ԵՐԵՒԱՆ, «Էրմենիհապեր».- Թրքական «Ճումհուրիյէթ» թերթը կը գրէ, թէ նախագահ Էրտողան այս շաբթուան սկիզբը կայացած իր կուսակցութեան խմբակի նիստին ընթացքին, ընդդիմադիրները պախարակելէ ետք արտասանած էր հետաքրքրական նախադասութիւն մը. «Եթէ ժողովուրդը մեզի «կը բաւէ՛» ¤թամամ) ըսէ, այն ատեն մենք ալ անկիւն մը կը քաշուինք»։
Էրտողանի այս խօսքէն ետք, «Թուիթըր»ի վրայ, ինչպէս նաեւ երկրի փողոցներուն մէջ արշաւ մը սկսած է՝ «կը բաւէ՛» ըսելով նախագահին։ Մայիս 10ի տուեալներով՝ արդէն աւելի քան 2 միլիոն թուրքեր միացած են «Թուիթըր»ի վրայ սկսած արշաւին։